Sa loob ng pusang itim

Nilalasing ako ng iyong mga cariño

Sa piling mo parang malamig na impyerno

Hindi ko makilala ang sarili ko

Hindi ko malaman ang gagawin ko

 

Maghahalo ang lahat sa utak mo

Hindi mo magagawa ang mga pinaplano mo

Kakainin ka ng iyong mga nadarama

Natatakot ka na itoy maging ala-ala

Sila at ikaw

Sila na mga mas higit

Sila na hindi naiipit

Sila na di sanay sa init

Sila na di makitaan ng pangit

Sila na umabot sa langit

Sila na walang panlasang mapait

Sila na di kalait lait

Sila na hindi tinatablan ng sakit

Sila na may pisikal na kaakit akit

Sila na nagkaroon ng mga hindi mo nakamit

  

Ikaw na nagmamasid

walang inggit na bahid

Hindi ka nag tanong kung bakit

nagbigay ng walang kapalit

Ikaw na nagparaya

Namahagi ng ligaya

Ikaw na bumibilib

Sa mga mahihina ang dibdib

Ikaw na umuunawa 

Umiintinde at nagpapasensya

kada lilitaw silang mga iniwan ng konsenya

Silang ayaw magpalamang

Mahilig magbilang

Laging may bago pero daing padin ay kulang

Ikaw na may mababaw na kaligayahan

Malalim ang iyong katauhan

Sa pagdayon ng iyong kamalayan

Ikalat mo ang kayamanan 

Na para sayo ay pagmamahalan